ឞោកនតើមនាវងក៝ច
នាវងើយឞូន៝ងជេងទូមពោលនាវងើយតាខែតមុនដោលកិរី។ តឹងនាវឞូនតុមអ៝ន់តាឆាម់បុតមរោ ២៦៩៦ ជាននារទី ២៥ ខែផាម នាម់២០០៣ ក្រ៝ឆោងនតុមនតីអ៝ន់ទ៝ង់រាឆ៝ទ្រោនញចីសជឹតនាវងើយឞូន៝ង។ គែសឆាផោមឞ្លាងនាវម៝សអ្យា យ៝រមាគែសនាវញឆ្រោយកើលជានឞើសមពោលជានការតាអាយឆីឆី មពោលជានការតាៈឞើសអ៝ង់ការាទ៝ក់ញជេងអេងៗ។ នាវអ្យាជេងនាវញហើអ៝ន់គឹតឆៃឞើសនាវអូចត្រ៝ង់ជានមពោលអ្វាញ់តីសទីតាក្រ៝ឆោងនតុមនតី មពោលអ្វាញ់តីសទីរាឆ៝ឞូន៝ង នទ្រែលមានាវអុចទ៝ង់ប៝នលានឞូន៝ងអីគុតាឞ្រីទាកកាម់ពុចៀ។
មពោលអ្វាញ់តីសទីនាវជានឆាផោមឞ្លាងនាវម៝ស ឞូន៝ង-ទ្រោន នហែលមានមើមក៝ប់កើលញច្រាៈនាវតាអាយឆីឆី លែវឞាល់ញឆ្រោយអ្វាញ់នតីលនាវតីសទី កើយជានអ៝ន់អ្វែស នទ្រែលមានត៝បនាវម៝សមហែតាឆាផៅមឞ្លាងនាវម៝ស ឞូន៝ង-ទ្រោន-អ៝ង់គ្លេ អីលែៈគែសប៝សពុមឞើសខៃផាមនាម់២០០៥នើសដ៝ង់។
តាឆាផៅមឞ្លាងនាវម៝សអ្យា គែសមែនាវម៝ស ៣៨៤២ អីក៝ននាវម៝ស ១៦៦៥។ នាវខ្លៃអុចត្រ៝ង់ជានតាឆាផៅអ្យាគែស ៤ នតីល នាវកើលលាស៖ (១) កើលនហាវនាវនតុមនតីឞារនាវងើយអ៝ន់ជេង (២) នាវតឹមរាង្លាប់នាវម៝សអ៝ន់គឹតវ៝ត់នហេល (៣) គែសនាវខ្លៃមានើមអុចគឹតឞើសនាវងើយឞូន៝ង (៤) កើលម៝ត់រាបៃនាវងើយឞូន៝ងអ៝ន់ហោមគែសនហ៝រ៝។
តាខែតមុនដោលកិរី នាវងើយឞូន៝ងតឹងនតុកវៃគុគែស ៥ មពោល កើតលាស៖ ឞូន៝ងឞូន៝រ់ ឞ្យាត់ ព្រែស រាអោង នហែលមា កាជាង់។ នាវងើយឞូន៝ងឞូន៝រ់ ជេងនាវងើយឞូវៃនតាត់ងើយអ៝ក់រាលៅឞូ នហែលមាពាង់គែសនាវខ្លៃងាន់មានាវតឹមជុតឹមខ៝ល់។ យ៝រមានទ្រីទឹងគែសអ៝ក់មែនាវម៝សនាវងើយឞូន៝ងឞូន៝រ់តាឆាផៅមឞ្លាងនាវម៝សឞូន៝ងទ្រោនអីលែៈជេសនទ្រាប់អ្យា។
ទាច់មាទុតនាវងក៝ចឞើសលើអ្យា ហេនទាន់ទោយ្សល៝រមាម៝សបាៈៗនាវតីសហេនអីគែសជានតាឆាផៅមឞ្លាងនាវម៝សអ្យា នទ្រែលមាហេនគែសនូយ្សរាម់មអាក់ដ៝ង់ ក៝ប់អ្យាត់នាវមឺចរាម៝តឞើសអ៝សនោកោញវា គៃមាកើលអ៝ន់ហេនកើយជានលើអ្វែសជឹត។
ខែតមុនដោលកិរី នារ ០៤ ខៃឆឹន នាម់២០១២
អ៝ង់កាអាយឆីឆី
មពោលនទ្រាប់ជានឆាផៅមឞ្លាងនាវម៝ស