Foreword

TAÎKHÛ̄ÎǍ

“Cèphlô̄bè̄htǔ” hajô tabā htû̌hò̄kèhò̄ ècǎ, thòlethòtè̄ kètè̌mǐ. Hajô mè̄ èdīli kajò̌ pra ma toō ètāhtôkhû̄htǒǎ dò̌ ètakhò̄thòdǒ. Hajô mè̄ èrīkû̌ tabā ècǎ èbè̌hò̄pòlò nò̌ mô̌nǔ haō. Mè̄bû thòdǒthòdǒ ècô̌dǔ mabè̌hò̄ thǎ depe tòkhò̄.

Kayaw ècèphlô̄ mè̄ èō dǎkhò̄ haō. Phǐphǔ dēhalǔ mè̄ èdoisò̄i tara wa èkhû̄lomo ètado. Hǒ kè̄na thînāi tara tarobā dò̌ htǐghālokhǒ èmièkhǎ ô tamalemajō, tadoisò̄i dò̌ ta behtobesî̌ èkû̌ nu. Pa mai khò̄nò̄hô̌ tèklè nu mè̄ Kalǎ èphǔghī lèmaihǔ pa dēhanò̄ mathaka pa cô malǒthîjǎ Bica èrîèkè̌ dò̌ cô athû̄bû̄thabǎ gò̄ nu.

Lejō mè̄ hǒ bā robai dò̌ athè̄lǒi wa phûli doanî èkukhû, èku htû̌bra dò̌ èku htada. “Cèphlô̄bè̄htǔ” hajô tabā ècǎ pa Kayaw phûli toō athè̄lǒi, malǒi dò̌ robāi thǎ toǎ èjō rûkhò̌.

Mathaka Kayaw èjō cô lûmaja haō nu èrû ghutǔ mè̄, bǎ pa Kajò̌ ō-a khlô̌ nu, kû̌tōsǒdè̌ athabǎ, athô̌pô thǎ wa hǒ jō. Mathakanu hě nālai khlô̌ Kayawphû kû̌tara thô̄ mai “Cèphlô̄bè̄htǔ” hajô tabā dò̌ ècô thîjǎi khlô̌ èleèjō dò̌ madû̄hò̄lèhò̄ èhtǐghā wa tanî̄dû̌, tathîghûthîjǎ dò̌ tajūtanā nu.

Èghutūlò hě thîjǎhò̄ge Kajò̌ èmakèhò̄ “Cèphlô̄bè̄htǔ” hajô tabā. Bica sûrîsûmo, laōsuōma dò̌ bè̄khû̄bè̄nò toǎ ènārûkhǒ kû̌tara!

Bisu - Sotero Phamo